Shillong, Nov 17: Dingtang dingtang changa sapani aro jakni kamrangko skie on•na gita All Artist & Cultural Organisations-ni manderangko man•chape Umbrella Project-ni gita dingtangmancha Workshop-ko Shillong songjinmani State Central Library-o ong•atangaha.
Ia workship-ko ong•atanio Film Making (Script Writing), Theatre aro Duitara baksana Dotrong-ko doka dam•ani aro tarianiko skie on•angaha aro iarangko Dominic Sangma, Lapdiang Syiem, Dr Mebanlamphang Lyndoh aro Gabriel G Momin skie on•angaha.
Dingtang dingtang changa sapani aro jakni kamrangko apsan ra•chimonge, a•doko iandakgipa changa sapanirangko ra•dona miksonganio ia Umbrella Project-ko 2019 bilsio a•bachengatahachim.
