Shillong, Mar 13: Sonibar salo, Jowai-o donggipa Society for Urban & Rural Employment (SURE) dolni gita, Meghalaya AIDS Control Society (MACS)-ni dakchakanichi Voluntary Blood Donation Camp-ko Ummulong CHC-o ong·atangaha.An·chi on·gilani nangchongmotgipa ong·ani aro HIV/AIDS sabisini bidingo manderangna mikrakataniko on·na miksonganio ia program-ko ong·atangaha.Ia program-ko ong·atanio dingtang dingtang official-rang aro dingtang dingtang dilgiparang, jinmana aganprakengon, manderangni janggirangko jokatna gita an·tangtangni an·chirangko on·gilchina didiangenba, HIV/AIDS sabisioni naljoke dongna gita an·tangtangan simsakgiparang ong·china manderangko ku·pattiangaha.

Tom·aniko Link Worker Scheme-ni District Resource Person Coriniki Slong dilangaha aro ia program-o manderangna agan-talate on·anggipa manderangara, Link Worker Scheme-ni zonal supervisor Niwanka Shylla, LWS project-ni zonal supervisor Darimika Lywait, Rev Dr HH Mohmren, MCSWA-TI project-ni program manager Sunita Suna, Jowai Civil Hospital Blood Bank Centre-ni medical officer I/c Dr P Shylla aro gipinrang ong·a.

Ia blood donation camp-ko ong·atanio sak 7 manderang, an·tangtangni an·chirangko indin on·gilangaha.