Shillong, June 25: A·songo songdonggipa pilak jatrangni ra·gatgimin niamrangchi dingtanggrikatenganiko bon·atna miksonge ma·mong sorkarini chanchie ra·baenggipa Uniform Civil Code (UCC) -ko council-ni a·jani ning·o maming dakeba ra·gatjachina ma·mong sorakario mol·molaniko dakna pilak MDC-rangni tik ka·anggimin official resolution-ko Khasi Hills Autonomous District Council (KHADC) mija Sonibar salo ra·chakangaha.
A·songni niam-bidikni Sixth Scheduled-o on·gimin bilni ning·o jatni namgnina aro jatko chel·chakna gita KHADC-ni a·ja ning·a kakketode Uniform Civil Code-ko maming dakeba ra·gatpajachina gita ma·mong sorkario mol·molaniko dakna gita House-o jinma tik ka·e donangaha ine KHADC-ni CEM Pa Pyniaid Sing Syiem, da·omiting Council-o tom·aniko ong·atanggipao iani gimin MDC rang baksa chanchrimaniko dakani somoi parakataha.
Uniform Civil Code-ko a·song gimiko ra·gatna ma·mong sorkarini miksongenganiara, jatni dakbewal, pilak daka-rikani, nokni gamko man·rikani, bia ka·ani aro torom ra·na jakgitel ong·aniko gimaatna gita nangan baksa bang·a neng·nikaniko ra·bachongmotgen ine Pa Syiem aganangaha.
Sixth Scheduled-ni a·jarango UCC-ko ma·mong sorkarini ra·gatnasienganiko chu·gimik jegalsona gita chinga apsan tik ka·aha aro iani bidingo council-tangtango tom·taienba ru·utgijan resolution-koba ra·gatanggen,” ine KHADC-ni CEM gitcham Pa Titosstarwell Chyne, re·anggipa chango a·dokni ge·gittam Autonomous District Council-rangni Shillong-o damsan tom·ani ja·man kobor ra·timgiparangna parakatahachim ine nikatna man·a.
Iakoba poraie nina man·gen: Be•wakanggipa PA Sangma Stadium-ko Meghalaya Sports Council nianga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
