Ri-Bhoi, Nov 30: Women and Child Development-ni Union Minister, Annapurna Devi, Ri-Bhoi a•jao me•chik dolrangna aro bi•sarangna ma•mong sorkarini on•enggipa scheme-rangko chu•sokatama chu•sokatjaenga aro baditana a•jao tang•doanirang ong•engaha, uarangko nirokeaha aro bang•a kamrango chu•sokenganina kusi ong•aniko ua parakangaha.
Union Minister, a•jani dingtang dingtang songrangchi re•ange songni manderang baksa aro Transit Home-o dongenggipa nokdangrang baksa aro Byrnihat-ni Primary Health Centre-ni an•o dongenggipa ma•giparang baksa agan golpogrikaniko dakangaha.
Ua, Saiden songni Anganwadi Centre-onaba re•ange ia centre-ko nirokenggipa rang baksa aro preschool-o napenggipa bi•sarang baksa agangrikan baksa Supplemental Nutrition Programme (SNP)-ni bidingoba chanchirimaniko dakangaha.
Una agreba Union Minister, a•jani pilak department-rangni dilgiparang aro administration baksa, Central Sector aro Centrally Sponsored Schemes, chong•motan ma•mongoni on•enggipa scheme-rangni bidingo, DC Conference Hall-o tom•e chanchirimaniko dakangaha.
Ia chanchirimanio dingtang dingtang neng•nikanirang, chu•sokgiminrang, NITI Aayog aro North Eastern Council (NEC) aro gimin scheme-rangni tang•doengani bidingo chanchirimangaha.
Indake, Early Childhood Development Mission aro Chief Minister’s Safe Motherhood Scheme(CM-SMS) aro gipin kamrango a•dok sorkarini gisik nange kam ka•enganina, kusi ong•aniko Minister parakan baksa, je biaprango chu•sokatna man•kujaengachim uarangko dakchakna ku•rachakangaha aro unbaksana je neng•nikanirangko tom•ani somoio janapahachim, uarangkoba namdapatgen ineba ua ka•donganiko on•angaha.
Una agreba, Aspirational Districts Programme (ADP)-ni chu•sokani gimin janapengon, Prime Minister Narendra Modi salgro salaram a•dokrango mongsongbate me•chikrangko aro bi•sarangko tang•doatna jotton ka•batenga aro ia ADP-ko skang salrangode namrenge ra•achim, indiba da•alo ning•tugipa biaprangoba iani chu•sokaniko nikna man•enga ine Minister aganaha.
Na·simang ia video-koba nina man·gen:
Na·simang iakoba poraina man·gen: Bichal ka•na pattok ning•o donenggipa saksa Jowai-ni District jail-o an•tangko so•ote sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
