Silchar, Feb 14: Salgro salaram jolo cancer sabisiko man•giparang batroroengani gimin Cancer sabisini gimin am•sandina aro mikrakatanirangko on•anio kamrangko nambate ka•na man•na gita Sombar salo, University of Science & Technology Meghalaya (USTM) aro Cachar Cancer Hospital & Research Centre (CCHRC)-ni gisepo Memorandum of Understanding (MoU)-o soi ka•grikangaha.
MoU-o CCHRC-ni oncologist aro Padma Shri Dr Ravi Kannan baksana USTM-ni Vice Chancellor Prof GD Sharma soi ka•aha aro soi ka•grikani somoio, USTM-ni Chancellor Magbubul Hoque, Silchar-o donggipa Assam University-ni Vice Chancellor Dr RM Panta aro gipin official-rangba dongpaaha.
Soi ka•grikgimin MoU-rangko sualgrikani ja•man, USTM-ni Chancellor Mahbubul Hoque, jinmana aganprakengon, cancer sabisiko man•e CCHRC-o sannako man•enggipa manderangoni 80%-de hajira ka•e cha•giparang, cha aro gipin gama ge•anirangko dake cha•giparangsa ong•a aro ia centre-o sannako man•enggiparangoni 75%-de indin ba dam komiao sanna bananiko man•enggiparang ong•a ine parakangenba, iantal dipet USTM-o pilak research ka•ani kamrangko CCHRC-o ka•gnok aro research-rangko dakanio USTM-ba pilak nanga dakchakanirangko on•anggnok ine parakataha.
M.Sc aro B.Sc-na Cancer Biology-ni course-rangko CCHRD tarigen ine talataniko on•angengon, da•o changgipin academic session-onide USTM-oba ia course-rangko a•bachenggnok ine USTM-ni Chancellor parakataha.
