Shillong, March 23: Transformative Higher Education for Atmanirbhar Bharat-ni bidingo salgittamna ong·atenggipa Vice Chancellor-rangni National Conference-ko Bristibar salo, India a·songni gitcham President Ram Nath Kovind, a·bachengate on·angaha.

Ia National Conference-ko Association of Indian Universities (AIU) ong·atenga aro ia conference-o a·song gimiko donggipa dingtang dingtang university-rangni sak 600-mangni gita VC-rang bakko ra·engachim.

Ia conference-ko ong·atanio India sorkarini ning·o donggipa Economic Advisory Council to Prime Minister-ni Chairman Padma Shri Dr Bibek Debroy-ba dongpae bakko ra·angaha.