Jowai, Dec 8: Ru·uta bilsirangni ja·man, West Jaintia Hills a·jani Khliehtyrshi-o rike donenggipa Animal Husbandry & Veterinary department-ni Vocational Training Centre-ko Budbar salo, Jowai-ni MLA Wailadmiki Shylla, nokdonggae on·angaha aro ia training centre-ko nokdonggae on·anganio AH & Vety-ni Director Dr KB Sahkhar, JHADC-ni MDC Lakhon Dkhar aro gipinrangba dongpae bak ra·angaha.
Dr Sahkhar-ni u·iatani gitade, tangka paisani gita neng·nikanirangko man·na nangahani a·sel ia training centre-ko indita bilsirangna nokdonggachipgija donna nangahachim.
Ia centre-ara chadamberangna do·orangko jile cha·ani bidingo skie on·na gita rikgimin training centre ong·achim.
Ia training centre-ko nokdonggae on·angani somoio Jowai-ni MLA, jinmana aganprakengon, Jaintia Hills a·jani chadamberang skie ra·na re·bajagenchimode ia centre-ko rikaniara indin ong·gramaigen aro ia centre-ko ong·atna rake kam ka·giparangna noksan ong·anisa ong·aigen ine parakangaha.
Uko MLA-na seokchengani somoio Jowai-ni wilwilao matchotgija dongenggipa bang·a project-rang dongkuengachim ine janapangengon, ia matchotgija dongenggipa project-rangko matchotatna git aua rake kamko ka·aha aro ia training centre-ba ia project-rangoni mingsa ong·a ine Shylla parakangaha.
