Shillong, June 2: Manderangko jagokatgnigipa mingsa obostako Khasi Hills a·jani song damsaoniko knasoani gita, bilsisani gisepon sak 15 mangni gita bilsi chu·ongkugijagipa bi·sarangni kosako mande saksa kragijagipa kamrangko ka·aha.

Umsaw Tyllang songo, bi·sarangni kosako kragija ong·enga obostako saksa me·a bi·sa bilsi 10 ong·gipani apsandakgipako chagrongani ja·manosa ma·sina gita man·aha.

Koborko on·ani gitade, dos dakgipa mande ua bi·sarangni sikgijako drae ong·gijagipa kamrangko re·anggipa bilsi 2022 oni ia 2023 bilsini May ja bon·aona kingkingan ka·barongengachim.

Koborna parakatani gita, mija May 29 tariko ua me·a bi·sako ong·gija dakahachim jeni ja·man nokni manderang uko Nongstoin Civil Hospital-o chek-up ka·na gita rim·baaha aro porikka ka·e nianio me·a bi·saoniko kragija dakani sakkiko doctor-rang man·aha aro joljolan dosko dakgipa mandeni bimingkoba parakaha.

Iano pangchake, jolni police mija May 31 tariko Umsaw songni Nokma baksana gipin songko-nokko dilenggiparangni dongpaanio saksa Meban Shangoi minggipako rim·aha.

Ia mamlani bidingo chanchirimna gita mija Bristibar salo tom·aha aro unomitingsa bilsi chu·ongkugijagipa gipin sak 14 bi·sarangba an·tangtang baksa kragija ong·a obostako paraktokaha aro ia sak 14 oni saksade dosko dakgipa mandeni namchikangan ong·anikoba ma·sina gita man·aha ine songni Nokma, A Ramri koborna parakataha.

Iakoba poraie nina man·gen: SGH-o office re·chipgijagipa officer-na show cause notice on·a