Williamnagar, April 5: 2018 bilsini electiono gnigipa ong•e vote man•gipa Sengbat R Marak mongolbar salo skotong minister Conrad K Sangmani dongpaanio NPP dolo napangaha. Sengbat R Marak 2018 bilsini electiono susaanio Marcuise N Marakchi amao man•ahachim, aro congress dolni niksenggipa Deborah C Marakko gittamgipa gadangona ra•ongalpilgipa ong•achim. Una agreba, Saljong R Marak, jean 2018 bilsini electiono susapaahachim aro advocate Pinpin Sangma jean re•anggipa GHADCni elctiono Williamnagar constituencyo susaapaachim uamangba apsan NPP dolo apsan salon napngpaaha.
Dolona gital napagitalrangko NPP padot Conrad K Sangma kusi ong•bee rimchaksoaha. Uamangni tom•aniko district NPP committeerang dakdilaha. Dolni rakbee kam ka•na nangani aro an•tangtangko on•kange kam ka•ani bidingo skotong Conrad Sangma tom•ao aganangaha.
Ia tom•anio dingtang dingtang NPP dilgiparang bak ra•angpaaha, uamangoni mitamranga, Semford B Sangma, Jaffrey D Sangma GHADCni gitcham CEM Denang T Sangma aro gipin dilgiparang bak ra•angpaaha.
