Shillong, May 25: Shillong songjinmani Laitkor-o donggipa Woodland Nursing Institute-ni skanggipa convocation ceremony-ko Bristibar salo ong•atangaha aro ia convocation-o 2020-2021 batch-ni B.Sc(N), P.B. B.Sc(N), GNM-rangna certificate-rangko on•angaha.
Ia convocation ceremony-ko ong•atanio Meghalaya a•dokni Health Minister Dr Mazel Ampareen Lyngdoh mongsonggipa sokgipa ong•e bakko ra•angaha aro unbaksana NEHU-ni Dean Prof N Saha-ba dongpae bak ra•angaha.
Woodland Institute of Nursing-ni Managing Director Dr Werlock Kharshiing-ni parakatani gitade, ia salo B.Sc Nursing-ni sak 35, Post Basic B.Sc Nursing-ni sak 54 aro GNM-ni sak 27 chatrirangko man•chape gimik sak 116 chatrirang graduate ong•angaha.
