Shillong, Mar 7: World Bank, Meghalaya-ni Health Systems Strengthening Project (MHSSP)-ni gita sana bananiko sakantiona sokatani aro rika cho•anirangko namdapatan baksana gital service model-rangko ra•baanina rasong on•e aganangaha.
2021 bilsio ia project-ko a•bachengata intaloni, dam 115 sanram biaprangko taridapani baksana sana bananirang aro dangdike on•anirangko namdapataha.
Ia project-ni gita health center-rangko name rakkina gita salantio name nirokaniko dakna dilgipako donataha. Uasan ong•aigija, ia health center-ko chalaniani aro dangdike on•anirangko nambatatna gita hospital-rang baksa ming 122 agreement ba ku•rachakgrikanirangko dakangaha.
Dam 46 sanram biaprangko poraie nianio bang•a mongsonggipa namdapanirangko mesokaha. Primary Health Centre (PHCs)-rang aro Community Health Centre (CHCs)-rang, an•tangtangni score-rangko 30%-ni gita tangdoanirangko nikan baksana ia sanram biaprango bang•bata sagiparangan sana bananirangkoba ra•angaha. Bang•bata hospital-rangon Outpatient (OPD, inpatient (IPD) aro bi•sa man•anirang namen baridapaha.
Manchisogipana bate on•tisa komigenchim ong•oba, da•o dipet tangka gong 519 kror (US$ 6.27 million)-rangko ia project-na koros ka•manaha aro ia tangkarangko sana bananirangko namdapatna gita namen jakkalangaha.
Ia project-ni gita gital program-rang jekai doctor-rangna training, ma•giparangna simsakaniko namdapatani, hospital-rango solar-ni bilrangko jakkalani aro sana banani kamrango jolo donggipa manderangko bak man•atpaanirangko a•bachengataha. Una agreba, ia project-ni gita diltugipa ba re•rurana altugijagipa songrangona samrangko watatna gita Drone Delivery Hub-rangko a•bachengate, salantio dam 25 health center-rangna dakchakaniko on•enga.
Teenage pregnancy ba dambeo an•o dongani aro ma•giparangni an•seng baljokani bidingo mikrakataniko on•a gita digital campaign-rangkoba a•bachengataha. Social media-ni “ADOLESCENT Unfiltered” ingipa podcast chadamberangni gisepo namen mingsinggipa ong•enba, million nisogiparangkoba man•aha.
Meghalaya a•doko sana bananirangko namdapatna gita ian mongsonggipa ja•ku de•ani ong•a inenba World Bank ia ja•ku de•anirangna rasong on•e aganangaha.
Na·simang ia video-koba nina man·gen:
Na·simang iakoba poraina man·gen: Tura aro New Shillong-ni water project-na gong crore 936-ko a•dok sorkari ra•chaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
