Shillong, Oct 18: AIESEC Shillong aro Meghalaya Model United Nations dolrang, Global Impact Week-ko maniani bak gita Mongolbar salo World Largest Lesson-ni bidingo training-ko Don Bosco Higher Secondary School aro Nongkrem-ni Smit-o donggipa Mount View Secondary School-o ong•atangaha.
Ia World Largest Lesson-ara, tom•tomani aro kakket bichalko ra•doan baksana kangal cha•a sianiko bon•atna 2015 bilsio United Nations-ni a•bachengatgipa ming 17 Sustainable Development Goals (SDGs)-o pangchakgipa ong•a.
Ia training program-ko ong•atanio St Edmund’s College-ni National Service Scheme, St Anthony’s College-ni Rover aro Ranger-rang, Martin Luther Christian University-ni chatro chatrirang aro St Anthony’s College Model United Nations-ni dilgiparang, ia skul damgnini chatro chatrirangna agan-talatanirangko on•angaha.
Ming 17 SDG-rangko tale ma•sina man•na gita program-ko ong•atanio chatro chatrirangna, uamangni ku•sikranchin agan-skie on•angaha.
