Tura, Jan 25: District TB Centre, 100-Days TB Awareness Campaign-ko Rangsakhona PHC-ni ning•o ga•akgipa Sonamite-o ong•atangaha jeon, sak 130 batpile manderang re•bae ia program-o bak ra•angaha.
West Garo Hills a•jani DTO incharge ong•enggipa Dr. Riksilchi Sangma, TB sabisini biati, uarang maikai ong•bana a•bachenga aro maikai simsaksoe dongna man•gen, iarangni gimin talate on•angaha.
Unbaksana ia campaign-ko, gipin sabisirang jekai, diabetic, HIV, bilsi sokgimin manderang jekai buchuma budepa, be•en bimangni gita bilgrigipa manderang aro chu ringrakgipa manderang ko porikka ka•e nian baksa sanna bannanikoba on•jolna miksonganio ong•atenga ine aganan baksa, pilakan Nikshay Mitras ong•china chong•motan TB saenggipa manderangna nutrition gnanggipa cha•anirangko on•gilpae dakchakaniko on•china ua didiataha.
Rangsakhona Constituency-ni MLA, Subir M Marak-ba, iandake indin sanna bannaniko on•enganiko ra•china aro TB sabisi gnanggipa manderangko sandie sanna bannaniko on•a man•a gita District TB Centre-naba bakrime dakchakaniko on•china sakantikon mol•molataha.
Bhaitbari Community Health Centre-oba apsan campaign-kon ong•atangaha aro ia tom•anio Rajabala Constituency-ni MLA, Dr. Mizanur Rahman Kaji, TB sabisiko sanna bannani gamchataniko aro Nikshay Mitra-ni bidingo aganangaha.
Ia tom•anio sak 90 mangni gita porikka ka•e nianiko dakangaha aro sak 32 TB sabisi gnanggipa manderangna Pradhan Mantri TB Mukt Bharat Abhiyan-ni gita cha•a ringanirangko suale on•aha.
Na·simang ia video-koba nina man·gen:
Na·simang iakoba poraina man·gen: BCCI test match-ko skanggipa changna Tura-ni Alotgre Stadium-o ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
