Shillong, July 19: 108 emergency serviceni ning·o kam ka·giparangni dormahako 4% bariatna gita A·dok Sorkari tik ka·e donaha.
Dormaha bariatna chanchinani bidingo Health Minister Ampareen Lyngdoh Sukrobar salo parakataha. “Dormahako 4% bariatna tik ka·ani ja·mano chinga 108-o kam ka·giparangming skango tik ka·grikaniko nipiltaina nangaha maina uarang National Health Mission-ni gita bangki dongkuengachim” ine ua aganaha.
Uni aganani miksonganide, NHM baksa a·bachengo tik ka·grikon uan a·doko 108 serviceko dikdiksana chalaisochina inesan ong·achim aro uko dakangkuna 108-o kam ka·giparangming chanchirimna nangaha.
“Bilsisa kam ka·nasan NHM baksa soi ka·grikani gimin uko ja·mano gital gital daktaitaina nangaha. Uan bilsisani contractsan ong·achim, jeni a·selan uamang baksa tik ka·grikaniko gital gital daktaitaina nangaha.”
108 serviceko chalaina gita gitalgipa pakwataniko on·kuna gita apsan kamko ka·gipa departmentrangming chanchirimani ong·enga ineba minister agankuaha.
Uni gisepon, dingtang dingtang obostarango pangchake ua 4% bariatgipako 108 kam ka·giparangoni mitam dol chu·ongnikjae uko grongtokaha kobor ra·timgiparangna aganaha. “Iani bidingo agane orto gri, maina kam ka·giparangoni dol 3, chong·motan pilot, receptionist aro ERO bilsisana kam ka·na NHM baksa soi ka·grikchengon komibata man·aniosa a·bachengahani gimin uko nipilna nangaha. Uamangni nangnikanirangko chu·sokatna man·ama man·jawa u·ija, uamangni kattarangko July 18 tariko man·soaha. Iakode nina nanggen.” Ampareen Lyngdoh aganaha.
Na·simang ia video-koba nina man·gen:
Na·simang iakoba poraina man·gen: Dibrugarh-o chi skonge dongengani bidingo songdongenggipa manderang ramarangko champenge jingjengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
