Tura, April 22: Garo Hillsni Meghalaya EMRI workers Association (MEMRIWU) ba 108-o kam ka·gipa manderang jekai, technician, driver aro gipinrang an·tangtangni nangnikanirangko chanchigriktaina aro sorkario rakbate dabiangkuna ine Turao tom·aniko ong·atangaha.
108-o kam ka·gipa manderangko sorkari NHM- o rakkia ine agana indiba chinga NHM-oba ong·srangja, chingko sorkari maming dakeba dal·e ra·jaenga ine MEMRIWUni padot ni Tapseng Sangma koborna uiataha. “Chingni dabianirang kakketan ong·a ine sorkari agangenchimoba chingni dabianirangko knachakjaenga.Mijamangmang Ampareen Lyngdoh ia 108 ko gipin companyna on·e galgnok ine aganako knae chinga namen duk ong·beaha aro iako jegalna chinga Shillongo tom·e chanchigrikaha. Chinga da·aloba chingni man·a nanganirangko Sorkario dakangkugen ine MEMRIUni Secretary Tengsrang Sangma koborna aganaha.
Na·simang ia video-koba nina man·gen:
Na·simang iakoba poraina man·gen: Bijoli budurangko name sringjani a·sel nok wa·alkama: ong·gija jangbingatgiparangko policerang mikrakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
