Shillong, Feb 13: Garo Hills-o bobil dake chakatgipa Garo National Liberation Army (GNLA) dolko bikottaienga ine jangbingbanganirangko Williamnagar-ni MLA aro a•dokni Cabinet Minister Marcuise N Marak jegalatenba, da•o dipet a•dokni pilak biaprangon tom•tomen dongenga ine parakataha.
A•dok sorkarini namroro silroroani kamrangchi aro chadamberangna dingtang dingtang janggi tangani cholrangko on•anichi chadamberangko ong•gija ramarango dilsretaoniko champengna man•aha ineba Marak aganaha.
Skangni somoirango Williamnagar jolrango bobil dake chakatanirang namen bilakachima aro bang•a chadamberangan ong•gija ramarango dilsretaniko man•rongachim ine janapatengon, ia sal somoirango chadamberangan skia man•bataha aro sorkarini dingtang dingtang cholrangko man•e, skatang kamrangko ka•jaha ine Marak parakataha.
Chadamberangna sorkarini ra•gate on•gipa dingtang dingtang program-rangni gimin janapatengon, ia sal somoirango chadamberangna District Selection Board-ni porikka baksana dingtang dingtang porikkarangko sena gita u•i-ma•sigipa officer-rangchi skianirangko on•enga ine Cabinet Minister aganaha.
GNLA bobil dolni gitcham membor-rangna dakchakanirangko on•ani bidingo janapatskaengon, sorkarini dakchakanichi ia manderangoni bang•batan da•o namgipa kamrangko ka•e songsalo janggi tangtokengaha ine Marak parakataha.
GNLA bobil dolko bikottaienga ine social media-rango jangbingbanganirangko jegalatengon, skang somoirango rama jal•langrang namjani a•sel Simsang chibimako batsotna namen neng•ani ong•achim aro ian bobil dake chakatgipa manderangna namgipa chol ong•skaachim indiba da•alo pilak songrangonan rama jal•langrangko soke man•ahani gimin bobil dake chakatgipa dolrangko bikottaiani cholrang dongjaha ine Williamnagar MLA parakataha.
Na·simang ia video-koba nina man·gen:
Na·simang iakoba poraina man·gen: EGH-o truck aro bike chagake a•sel ong•anichi saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
