Tura, Oct 1: 2005 bilsini September 30 tariko a·sel ong·ani Sonibar salo bilsi 18 gapahaon, ia salo sianggipa sak 9 manderangko gisik ra·na gita dingtangmancha Tura-ni Chandmari kal·chakramo tom·aniko ong·atangaha.
Bilsi 18-na skang, MBOSE-ni headquarter-ko Shillong-ona apjitangna jotton ka·aniko manderangni jegaltokengmiting somoio Tura aro Williamnagar biap damgnion, jegalenggipa manderangko Police-rangni skatang goani a·sel Tura-o sak 4 aro Williamnagar-o sak 5 manderang so·otako man·ahachim. Ia a·sel ong·anio gimik sak 9 manderang so·otako man·angan baksana bang·bea manderang guli nangako man·e saknaanirangkoba man·tokahachim.
Ia a·selko gisik ra·na gita dingtangmancha jinma Isolo bi·e tom·aniko ong·atangaha aro ia tom·aniko 30th September Victims Solidarity Forum ong·ataha.
Ia tom·aniko ong·atanio NESO-ni assistant general secretary Manseng A Sangma, GSU-CEC-ni president Tengsak G Momin aro dingtang dingtang dolni dilgiparang jinmana aganprakangaha aro ia tom·anio Isolni rongtalgipa kattarangkoba Rev Insting C Marak, kan·dike jinmana aganprakangaha.
Pangna dakrongbewal gitan tom·a matchotani ja·man, ia a·sel ong·anio sianggipa manderangko gisik ra·na aro mande ra·pilskana gita Chandmari kal·chakramo tarie dongipa cenotaph-o jinma mombatirangkoba so·aha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
