Shillong, Sept 16: 2018 bilsioni ia 2021 bilsiona kingking Bangladesh a•songoni napsrukbagipa sak 116 manderangko Meghalaya a•doko nikaha ine Bristibar salo Meghalaya a•dokni Home Minister Lahkmen Rymbui parakataha.
Assembly-ni Autumn Session-o Congress MLA Winnerson D Sangma-ni sing•anina ua ia kattarangko aganchakaha.
Meghalaya a•dokona niam gri napsrukanirangko nirokna gita songe dongimin infiltration post-rangni gimin janapatskaengon, a•dok gimiko dam 30 infiltration post-rang gnang aro uarangara, East Jaintia Hills-o dam 3, West Jaintia Hills-o dam 2, Ri Bhoi a•jao dam 4, East Khasi Hills a•jao dam 3, West Khasi Hills a•jao dam 2, South West Khasi Hills-o dam 1, East Garo Hills-o dam 2, West Garo Hills-o dam 1, North Garo Hills-o dam 3, South West Garo Hills-o dam 1 aro South Garo Hills a•jao dam 8 ong•e ine Home Minister parakataha.
Home Minister-ni parakatani gitade, 2018 bilsioni 2021 bilsiona kingking gipin a•dokrangoni napbae songdongenggipa manderangkoba Meghalaya a•doko sak 16,400 nikna man•aha aro iandake gipin a•dokrangoni napbae songdongenggipa manderangoni nangchongmota lekkarang donggijagiparangkode sorkari, Assam-ona watpilataha.
Indake ong•engon, Bangladesh a•songoni niam gri napsrukbagipa manderangoni sak 44-kode da•o dipet pattokrango donenga aro sak 72-kode a•songtangona watpilataha ineba Home Minister parakataha.
