Shillong, Jan 3: 2022-2023 bilsini Scholarship-rangko da•onan chatro chatrirangna on•kujaengani gimin sorkariko matnangenba, Budbar salo, Hynniewtrep Youth Council (HYC)-ni education cell, North Eastern Hill University Students Union (NEHUSU) baksa Shillong-ni MBOSE office-o tom•e jingjengataniko dakangaha.

Ia tom•anio NEHUSU-ni general secretary Banpynbiang Riang, bak ra•enggipa manderangna aganprakengon, scholarship-rangko da•onan chatro chatrirangna on•kujaengani gimin an•tangni suk ong•gijaniko parakatenba, scholarship-rangko man•tokkujaengani a•selan chatro chatrirang, aro mongsongbate kangal cholgrirangde college fee aro uandakgipa gipin nanga korosrangko ka•na man•jae neng•nikanirangko chagrongna nangtokenga ine talataniko on•angaha.

Batanggimin bilsirangoba sorkari, chatro chatrirangni scholarship-rangko on•ninggija ra•chipe dongaha ine janapatengon, scholarship-rangko sal 10-ni gisepon chatro chatrirangna on•jagenchimode bilakbate ramarango jingjengatna draatako man•gen ine NEHUSU-ni general secretary mikrakataniko on•angaha.

Chatro chatrirangni scholarship-rangko on•na gita a•dok sorkari, India sorkarini Minority Ministry-oni watatgipa tangka paisarangna sengkuenga ine December-ni 9 tarikosan a•dokni Education Minister Rakkam A Sangma parakatahachim ine nikna man•a.

Scholarship-ni tangkarangko watatna gita a•dok sorkaride pilak kamrangkon matchotmanaha indiba ma•mong sorkarionisa tangka paisarangko watatkujaenga ineba ua aganahachim.

Iakoba poraie nina man·gen: Golaghat-o a•sel ong•anio sak 12 sia aro adita manderang saknaatako man•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub