Shillong, Mar 10: Re•anggipa 2022 bilsio, pekatgipa samrangko niam gri jakkalani aro badinganina gimik ming 116 case-rangko segataha aro ian batanggimin bilsi 50-ni gisepo bang•bate case ka•aniba ong•aha ine Sukrobar salo, Meghalaya a•dokni Director General of Police (DGP) LR Bishnoi parakataha.
DGP-ni parakatani gitade, ia apsan bilsion, niam gri pekatgipa samrangko jakkalanina aro badinganina sak 234 manderangkoba rim•aha.
Meghalaya a•doko iandake pekatgipa sam jakkalaniko aro badinganiko champengna nangengani gimin janapatengon, batanggimin jadokni gisepo Meghalaya a•dokni police-rang, bang•en pekatgipa samrangko rim•na man•aha aro ia batanggimin bilsi 50-ni gisepo bang•batgipa ong•aha ine DGP parakataha.
