Jowai, Mar 10: Bristibar salo, Jaintia Hills Autonomous District Council (JHADC)-ni Budget Session-ko a•bachengatanio, JHADC-ni chief executive membor (CEM) Thombor Shiwat, 2023-24 bilsina gong crore 30 chu•onggijagipa budget-ko mesoke on•angaha.
Bristibar salo Budget Session-ona ra•bagipa JHADC (Trading by Non-Tribal First Amendment) Rules 2013-ni bidingo chanchirimangengon, ia niamko 2015 bilsion ra•gatahaoba da•osa skanggipa changna JHADC-ni Budget Session-ona ra•baaha aro ia niamrangchi JHADC namgnirangko man•gen ine Taxation department-ni Executive Membor WG Sungoh parakataha.
Ia JHADC (Trading by Non-Tribal First Amendment) Rules 2023-ni gimin chanchirimanio bak ra•anggipa gipin MDC-rangara, Brightstar Chyrmang, Holando Lamin, J Treilang Suchiang, Phasmon Dkhar aro gipinrang ong•a aro uamangba ia niamara JHADC-na kajinarangko ra•baanio namdapatna dakchakani ong•gen ine parakattokaha.
Sukrobar salo, 2023-24 bilsina JHADC-ni Deficit Budget-ko pass ka•angjolaha.
