Shillong, July 1: 2023 bilsio mang 21 gitalgipa rokkomni matchuringrangko Meghalaya-oniko nikna gita man•aha ine “Animal Discoveries 2023 : New Species and New Record” -ni gita parakataha.
Sombar salo, Environment, Forest and Climate Change-ni Union Minister (MoEFCC), Bhupender Yadav, chu•gimik matburingrangni bimungrangko sulsul tarigiparangoni India a•songan pilak a•songrangnade skanggipao ong•enga, jeon chu•gimik 104,561 rokkomrangko man•gope a•gilsak gimiko dingtangmanchagipa matburingrang aro buring bolgrimrangni gimin see rakkianioba skanggipa ong•enga ine parakataha.
2023 bilsio, India-ni scientist-rang, matburing aro sambolrangni gimin poraigipa chatro chatrirang aro am•sandie nigipa dolrang mang 442 gitalgipa rokkomni matburingrang, India a•songna 199 gital see rakkianirang aro gital 19 genera ba apsan dakgipa rokkomni matburingrangko man•gope chu•gimik rokkom 641 gital am•sandie man•aniko parakataha.
India a•song, matburingrang aro sambolrangko ripinganio a•gilsak gimiko chu•sokbatgipa ong•a, maina skang chengonin sambol aro matburingrangko ripingba•ani, bebe ra•ani aro samtangtango donggipa ong•telaigiparangko mande ra•ani aro sambolrang aro matburingrangko ripinge rakkianiko ra•doanio bebe ra•giparang ong•a ine ua agandapangkuaha.
Chu•gimik rokkom 25 gital matburingrang aro ming 4 gital see rakkianiko Meghalaya a•dokoniko man•aha.
Meghalaya a•dokoni mongsonggipa am•sandie nianio a•gilsak gimiko ro•batgipa fish cave ba na•tok dongchakgipa rong•kol Neolissochilus pnar-an ong•achim, jekon East Jaintia Hills-oniko man•aha. “Pnar” ian Meghalaya-o donggipa Khasi jatonin ma•sa ong•a.
Meghalaya-ni rong•chunarigipa rong•kol, a•ningni aiao inmanpilgipa gamrangko mesokan baksana Meghalaya a•dok rokkomanti na•tokrangni dongram biapba ong•a aro ge•gipinara Kerala-o chi rongtalatna dakchakgipa ong•skaa. Ia poraie nie man•gimin-ko, Meghalaya-ni Jaintia Hills-ni Krem Um Ladaw aro Krem Chympe cave ba rong•kolrangoniko 2019 aro 2020 bilsirango man•aha.
Krem Um Ladaw rong•kolni napramo dal•gipa sko gita dakgipa a•kolgita napangna nanga, jean buring ning•ao dal•gipa rong•terara dakgipa biapo ong•achim aro arankarini somoiode chiring ran•aiachim. Krem Chymphe rong•kol jeonikon paratypes ba sigimin matburingni dongrikgimin be•en bimangni bakko man•ahachim, ian chirara dakgipa rong•kol ong•a jeon chi tu•begipako jokangna gita bang•a ramarang dongan baksana adita chonchongipa chi ontimchakgipa aro chi ban ka•anirang gnang. Ia rong•kolni noksikgita napanggenchim ong•ode chikongni na•tokrangkoba nikna gita man•a.
Meghalaya a•doko minggipin am•sandie man•giminara uan Amphibia-Amolops siju ong•a. Jekon South Garo Hills-ni Siju cave ba rong•koloni andalgipa biaponiko Holotype ba sakki mingsako ra•baenba Bhaskar Saikia, Bikramjit Sinha, A Shabnam aro K. P. Dinesh talate on•angan baksana ming 3 ma•mal ba rokkomko u•iatna mesokaniko Siju-ni jranggipa biaponiko ra•baskaaha. India a•songo chu•gimik 641 gitalgipa rokkomni matburingko man•aoni, Salgro Salaram jolonikon chu•gimik 138 gitalgipa rokkomni matburingrang aro gital see rakkianirangko am•sandie man•giparang ong•a.
Na·simang ia video-koba nina man·gen:
Na·simang iakoba poraina man·gen: GH-o mikka waanichi a•arang be•e nok-jamrang bang•en nosto ka•ako man•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
