Shillong, July 23: Meghalaya a•dokni gitcham Education Minister aro Amlarem-ni Legislator, Lahkmen Rymbui, 2024-25 bilsini Union Budget-na kusi ong•aniko parakatan baksa, kamgri ong•e dongenggipa chadamberangna aro songadam nokadamrangna dingtanganiko ra•bana man•gen ine ka•dongsoenganikoba parakataha.
Mongolbar salo, 2024-25 bilsini Union Budget-ko, Union Finance Minister Nirmala Sitharaman jinmana parakataha.
Indake, 2024-25 bilsini Union Budget-na gipinrang suk ong•gijaniko janapatgenchimoba, sorkarini ja•ku de•enggiparang, mongsongbate, rika cho•ani kamrangko ka•anio bariatna mangsonganichi, kam rakkianio ba gipin cholrangchi chadamberangna dakchakani chol ong•gnok ine ua aganaha.
Mahatma Gandhi National Rural Employment Guarantee Act (MGNREGA)-na on•aniko bariatanichi songadam nokadam jolrangna dingtanganiko ra•bana ka•dongani ong•aha maina ian songadam nokadam rango janggi tangenggipa manderangni mongsong pangchakaniba ong•enga ine Rymbui talatangaha.
Lekka pora skianioba bang•gija budget-rangko chamatahani gimin, New Education Policy (NEP) -ko ra•gata dipet dingtanganiko ra•baani gadango ong•engaha, indake lekka pora skianiko on•ani bako bang•a neng•nikaniko chagrongna nangengani gimin ma•mong sorkari ni dakchakaniko bang•en nangdapenga ineba ua janapataha.
Una agreba, salgro salaram a•doko dingtanganiko ra•bana gita nambata sanna bannaniko on•a, nambata bidako on•a, entrepreneur-rangna fund-rangko bariatna aro karkanarangko bariatchinaba Rymbui ku•rang on•angaha.
Na·simang ia video-koba nina man·gen:
Na·simang iakoba poraina man·gen: Railway, Power Department aro mandir-ni bosturangko Boko Police rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
