Shillong, July 23: 2024-2025 bilsini Union Budget-ko Mongolbar salo, Union Finance Minister Nirmala Sitharaman Parliament-o mesoke on•angaha aro ia budget-o ua kajinarangko bariatna, sam aro mobile phone-ni damrangko komiatna aro chadamberangna jakni kamrangko skie on•anichi kamrangko ka•e cha•na chol on•na tik ka•angaha.
2024-25 bilsini budget-o chu•gimik receipt-ko gong crore lak 32.07-na hisape chu•gimik expenditure ba korosna gong crore lak 48.21-ko hisape donangaha.
Tax receipt-ko gong crore lak 25.83-na hisape, fiscal deficit-ko GDP-ni 4.9%-na hisapskaaha.
Income Tax ba dormahani kajinako bariatanio, dormahana kam ka•enggipa manderangni kajinako gong 50,000-oniko gong 75,000-ona bariatna tik ka•aha aro unbaksana Pensioner-rangna Family Pension-oniko kattianikoba gong 15,000-oni gong 25,000-ona bariatna tik ka•aha.
Kajinako bariatanio, 0-oni lak 3-onade kajina dongjawa, lak 3-oni lak 7-onade 5 percent, lak 7-oni lak 10-ona 10 percent, lak 10-oni lak 12-ona 15 percent, lak 12-oni lak 15-ona 20 percent aro lak 15-na batgiparangde 30 percent ong•gen.
Ia bilsio bading chiwalani kamrangnade kajinako komiatskana ma•mong sorkari tik ka•angaha.
Ia 2024-2025 bilsini budget-o gipin mongsonggipa bakrangara, mobile phone, sona aro rupani damrang tang•onanggen, gama ge•ani kamrangna gong crore lak 1.52-ko chamahani gimin game ge•e cha•giparangna namgni ong•gen.
PM Gareeb Kalyan Anna Yojana-koba ma•mong sorkari, bilsi 5-na ra•dodapatahani gimin ian a•song gimikni crore 80 manderangna namgni ong•gen.
2024-25 bilsini gisepo India a•songo songdongenggipa Tribal-rangni janggi tangani gadangko tang•doatna gita ma•mong sorkari, PM Janjatiya Unnat Gram Abhiyan-ko a•bachengatgen aro ia program-ni ning•o dam 63,000 songrangko man•chape, crore 5 Tribal manderangna namgniko ra•bagen.
A•song gimikni rama jal•langrangko namdapatna gitaba ma•mong sorkari, ia bilsini gisepo gimik gong crore 26,000 tangkarangko chame donataha.
Chadamberangna janggi tangani cholrangko on•na gitaba ma•mong sorkari, da•o bilsi bongani gisepo sak lak 20 chadamberangna dingtang dingtang jakni kamrangko skie on•na tik ka•aha.
Bilsiantian wachini somoirango chi bananirangchi manderang neng•nikanirangko chagrongna nangtokengani gimin ma•mong sorkari dingtangmancha Assam a•dokna gong crore 11,500 tangkarangko on•na gitaba tik ka•angaha. Unbaksana wachini somoirango Sikkim aro Uttarakhand a•dokrangoba manderang neng•nikanirangko chagrongna nangengani gimin ma•mong sorkari, ia a•dokrangnaba dakchakanirangko on•na tik ka•angaha.
Lekka porani gitaba, higher education-o poraigipa chatro chatrirangna ma•mong sorkari, gong lak 10-ona kingking loan-ko on•na tik ka•angaha.
Na·simang ia video-koba nina man·gen:
Na·simang iakoba poraina man·gen: Chi bananichi neng•nikanirangko chel•chakna ku•rachakahani gimin Finance Minister-ko Assam CM mittelpila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
