Kochi, Dec 18: Cardinal George Jacob Koovakad, 2025 bilsio Rome a•songo Catholic Giljani gita Jubilee maniani bilsi ong•ani gimin, Pope Francis India a•songna ua bilsi bademan•o re•bagen ine Mongolbar salo parakataha.
Bilsi 51 ong•gipa Koovakad, Pope Francis-ni jakchi December 7 tariko St. Peter’s Basilica-o maniani somoio Roman Catholic-rangni pamongona ra•doatako man•gipa sak 21-oni saksa ong•paa. Ua Mongolbar salo India a•songni Kerala-ona re•baaha aro Cochin International Airport-o uko nisongsoe mande ra•e rimchaksoahanina manderangko mitelpilskaaniko dakangaha.
Una manderangni ka•saanina, bi•chakahanina aro nama skaniko on•ahaninaba ua pilakkon mitelangaha.
Indake, Pope Francis-ni India-ona re•bagni salrangni bidingo manderangni sing•on, 2025 bilsio Jubilee-ko maniengani gimin Rome a•songo dingtang dingtang maniarang dakna nanggnirang bang•en donggen, uni gimin ua ia bilsio re•bana choljokjanaba gnang aro bilsi bademan•ahaosa re•banaba gnang ine kobor ra•timgiparangna Koovakad aganaha.
Na·simang ia video-koba nina man·gen:
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
