Shillong, May 5: Meghalaya Board of School Education (MBoSE), 2025 bilsini class 12 Commerce-ni result-rangko sombar salo parakataha, jeon 81.28% mangni gita chatro chatrirang pass percentage-rangko man·tokaha. Chu·gimik sak 2,501 porikka segiparangoni sak 2,033 chatro chatrirang chu·sokaniko man·aha.
West Khasi Hills a·ja, 92.3% pass percentage-rangko man·e a·jarangoni nambate dakgipa ong·aha. East Jaintia Hills 92.45% aro Eastern West Khasi Hills 88.29% pass percentage-rangko man·aha. Iani gisepon, South West Garo Hills 38.46% pass percentage aro North Garo Hills 64.1% pass percentage-ko man·aha. South Garo Hills-oni darang chatro chatrirangba Commerce Stream-o porikka segiparang dongja.
Ia HSSLC Commerce porikka seanio me·asarangna bate me·chikrang nambate dakangaha. Regular porikka segipa chatro chatrirangoni, me·chikrang 86.61% aro me·asarang 83.62% mangni gita pass ka·angaha. Non-Regular group-oniba 49.5% me·chikrang aro me·asarangoni 40.47% mangni gita pass ka·angaha.
Sak 2,274 regular porikka segiparangoni sak 1,932 chatro chatrirang pass ka·enba, pass percentage-ko 84.96%-ona doataha. Iani gisepon, sak 227 non-regular chatro chatrirangoni sak 101-san pass ka·enba, 44.49% pass percentage-kosan man·aiaha.
Ia bilsini porikkao, tribal me·a bi·sarang 77.34% aro tribal me·chik bi·sarang 81.38% mangni gita pass ka·angaha. General category-ni chatro chatrirang 88.65% me·a bi·sarang aro 92.02% me·chik bi·sarang pass ka·enba nambatgipa pass percentage-ko man·aha.
Na·simang ia video-koba nina man·gen:
Na·simang iakoba poraina man·gen: 2025 bilsini HSSLC porikkao St. Edmund’s Arts Stream-ni Albert Mate aro Idawanplishisha Swer niksenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
