Tura, March 4: Tura-ni Don Bosco College-o P A Sangma Memorial Basketball Tournament-ni final, SYM aro Sangkni baksa kal•susaani baksa name matchotangaha.
Tura Basketball Club-ni gita ia tournament-ko ong•atangaha, jeon Meghalaya a•dokni dol 12 robol kal•giparang bak ra•angtokaha. Jolo donggipa robol kal•giparangna dakchakaniko on•a gita a•songni gadango robol kal•gipa mittam manderang iano bakrime kal•susaaniko dakangaha. Ia tournament-o round-robin format ba dolsa dolgipin baksa kal•susaaniko dakangaha. Nambatgipa team-rangko knockout round-ona ra•angenba, dongrikgipa dolrangko final-o kal•na gita watataha.
Chief Minister’s Special Grant aro gipin organisation-rangni dakchakaniko man•e ong•atgipa ia tournament-o West Garo Hills-ni Deputy Commissioner Jagdish Chelani-ko man•chape gipin official-rangba dongpae bak ra•angaha. Ia tournament-ko ong•atani bon•kamgipa kal•susaanio, SYM dol a•bachengo name kal•susaaniko dakna man•oba, 3-gipa quater-o 7 point-ko man•e Sangkni batangskaaha. Indake ong•genchimoba, SYM dol 4-gipa quarter-o 69-62 point-rangko man•e cheaiaha.
SYM dol chegipa ong•enba, tangka gong 50,000 baksa trophy-ko aro 2-gipa biapko man•gipa Sangkni dol, tangka gong 25,000 baksa trophy-ko man•angaha. SYM dolni Renaldy Jyrwa, Player of the Match aro Arbas Ali Shah, Player of the Tournament title-ko man•angaha.
Na·simang ia video-koba nina man·gen:
Na·simang iakoba poraina man·gen: Assam CM, Ali Tauqeer-ni gimin SIT-ni man•gimin sakkirangko ma•mongna u•iata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
