Shillong, Jan 15: Budbar salo, Meghalaya a•dokni Chief Minister Conrad K Sangma, Indian Olympics Association (IOA)-ni president PT Usha baksa video conference gita tom•aniko ong•atangaha aro ia tom•anio, Meghalaya Olympics Association (MOA)-ni official-rangba bak ra•angaha.
Ia tom•anio, a•dokni Chief Minister Conrad Sangma, IOA-ni president baksa agangrikengon, 2027 bilsio chang 39-gipa National Games-ko Meghalaya a•doko sokchakna tarisamsoanirangko talate on•angaha.
Batanggimin bilsibrini gisepo, Meghalaya a•doko dingtang dingtang kal•chakram biaprang, jekai Shillong-ni JN Sports Complex, Jaintia Hills-ni Wahiajer Stadium aro Tura-ni PA Sangma Integrated Sports Complex gita dakgipa kal•chakram biaprango tarisoaha ineba ia tom•anio Sangma parakataha.
Shillong songjinmao dingtang dingtang kal•susaanirang, jekai 2022 bilsio North East Games, 2016 bilsio South Asian Games aro uandakgipa kal•susaanirangko sokachakaha ine talataniko on•angengon, batanggimin bilsi gittamna Meghalaya Games-koba a•doko ong•atrongenga ine Chief Minister parakataha.
Ia tom•anio, Sports & Youth Affairs-ni Commissioner Dr D Vijay Kumar-ba dongpae bak ra•angengon, National Games-ko Meghalaya a•dokni skotong Shillong songjinmao sokachakna aro a•dokni gipin damgni songjinmarang, chong•motan Tura aro Jowai-oba dingtang dingtang kal•susaanirangko ong•atna gita 2018 bilsion IOA baksa songgigrikanio soi ka•grikmanaha ine talataniko on•angaha.
Indake ong•engon, National Games-ko Meghalaya a•doko sokachakna on•na gita IOA chanchienga ine association-ni president PT Usha-ba parakataha.
Ia 2025 bilsio Meghalaya Games-ko Uttarakhand a•doko sokachakenga indiba 2026 bilsiode India a•songo Asian Games-ko sokachakengani gimin National Games-ko ong•atskajaenga.
Na·simang ia video-koba nina man·gen:
Na·simang iakoba poraina man·gen: Pala, politics baksa toromko brinenganina BJP baksa apsangrika ine VPP-ni kosako matnanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
