Itanagar, Mar 11: Sombar salo, 3,900 km Bike Rally, chong·motan Shaurya Yatra-ko Arunachal Pradesh-ni Vijayanagar-oni a·bachengataha aro ian Indian Armed Force-rangni bakrobatgipa Bike Rally-ko ong·atengani ong·a.
Ia bike rally-ko ong·atenganiara Ek Bharat Shrestha Bharat-ko gisik ra·ani bak gita Gujarat-ni Rann of Kutch-ona bike-o re·jomaani ong·enga aro ia bike rally-o Assam Rifles, Indian Army sipairang aro Arunachal Pradesh-ni sak bri rider-rang bakko ra·enga.
Iako ong·atengani miksonganiara a·songo meli nangrime aro ku·cholsan ong·e kam ka·anio bil gnanganiko mesokna aro uasan ong·aigija a·songna janggitangko gimaatgipa sipairangko gisik ra·aniko mesokna aro uamangni nokdangrangna dakchakaniko on·a mikrakataniko on·a miksonganio ong·atengani ong·a.
Ia Shaurya Yatra, chel·chaksoenggipa sipairangkosan gisik ra·ani ong·aija, indiba a·song gimikni chadamberangna aro songsalna meli nangrime saksa sakgipinna ku·cholsan ong·e dakchakgrikchina didianiko on·enggipa ong·a.
Na·simang ia video-koba nina man·gen:
Na·simang iakoba poraina man·gen: MSIPF Act aro railway project-ko jegale KSU Assembly-ona re·jomaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
