Tura, April 24: 3rd P A Sangma Cricket Tournamentko A·chik a·songni Tura songjinmani Police parade ground-o sal-wal kal·susaaniko ong·atenga. Kal·susaani gnigipa sal Butbar-o dol chet kal·susagiparang bakko ra·enga.
Tura Municipal Board aro IYC Tura baksa kal·susaanio Tura Municipal Board run 12 ko man·e chegipa ong·aha. Kal·anio Tura Municipal Board dokchengaha aro 139 runrangko nisan done kal·aha indiba sak 5 wicketko gimaataha. IYC dolba namen kal·aha, uamangni Atlu Birth run 78 ko robol rong 30 ko man·e on·aha indiba nangdapenggipa run rangko krengbeoba man·rikjae Tura Municipal Board-chi amako man·aha.
West Garo Hills Deputy Commissioner Jagdish Chelani-ni dol jekon DC XI ine mingachim ia kal·susaanio ga·subee kal·angaha. DC XI aro Jengjal dol kal·anio, Jengjal dol run 19ko man·e DC XIko run 19 chi amchepataha. Kal·anio Jengjal dol dokchengaha. Uamang over 9-o gimik wicketrangan sirikaha aro run 79 kosan man·rikaiaha. DC XI dol over 7-o gimik wicketrangan siaha aro run 60 kosan man·rikaiaha. DC Jagdish Chelani kal·anio gisik nangbee aro kusi ong·bee bak ra·aha. Ua over 3-o sak 4 wicketrangko man·e on·aha.
Kal·susaanio somaio P A Sangma Memorial Day & Night Cricket Committee, Jammu Kashmirni Pahalgam-o a·sel ong·e sigiparangna minute 2 na jripjrip donge mande ra·ani aro kalimpaaniko dakangaha.
Ia kal·susaanio bak ra·e chegiparangara:
-Teens dolrang Gabbar dolko wicket 5 chi ame cheaha
-Traffic Police Tura Sun rasingko 81 runko man·e cheaha
– Goera Kimpret Silkamal dolko 64 runrangko man·e amaha.
DM Supernine Youngster clubrangni kosako run 12 ko man·e amaha.
Unkown 11 Zen X ko 11 runchi amataha aro Nabinpally Unity Shantinagar Brothers rangko wicket 4 chi amataha.
Na·simang ia video-koba nina man·gen:
Na·simang iakoba poraina man·gen: Karnataka-o bisi cha•mangipa M’laya-ni chatro chatrirang a•doktangona re•bapila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
