Shillong, Nov 15: Shillong songjinmani State Convention Centre-o brigipa changna ong·atgipa Janjatiya Gaurav Diwas-o Meghalaya a·dokni Chief Minister Conrad K Sangma-ba bak ra·angaha aro ia tom·anio, Civil Aviation Minister Kinjurapu Ram Mohan Naidu, mongsonggipa sokgipa ong·e bak ra·angskaaha.
Ia program-ko Meghalaya sorkarini State Employment Society Community & Rural Development, East Khasi Hills a·jani Deputy Commissioner (DC) office baksa nangrime ong·atangaha aro ia tom·anio Union Civil Aviation Minister Kinjurapu Ram Mohan Naidu, jinmana aganprakangengon, Ia Janjatiya Gaurav Diwas-ko Meghalaya a·doko manina man·ahani gimin an·tangni kusi ong·aniko parakangaha.
Buring bolgrimrangko rongtalgipa bolgrim dake rakkienganina Khasi jatko mittelpilangengon, Meghalaya a·dokni manderang, samtangtango ong·telaigiparangko mande ra·na aro ripingna changgiparang ong·ani gimin a·gilsak gimikan iako Tribal-rangoniko skie ra·skana man·gen ine Naidu aganaha.
Tribal-rangni daka rikani aro u·i-ma·sianirangko a·gilsakna bang·bate mesokangkuchina gitaba ua didiangaha.
Chief Minister Conrad K Sangma-ni dilanichi Meghalaya a·doko bang·en namroro silroroaniko nikna man·enga ine mittelpilaniko parakangengon, Umroi airport-ko dal·batatna aro Baljek Airport-ko chalaianio Civil Aviation Ministry-ni gita pilak nanga dakchakanirangko on·gen ine Union Minister, ku·rachakaniko on·angaha.
Jakgitelanina krengdilgipa Tribal matgrikrangko gisik ra·na aro mande ra·pilskana gita November-ni 15 tarikko India sorkari, Janjatiya Gaurav Diwas ine 2021 bilsio parakatchengahachim.
Na·simang ia video-koba nina man·gen:
Na·simang iakoba poraina man·gen: Nitoe taridapgipa IGP Point-ko CM oprake on·anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
