Tura, Aug 14: Chang 4-gipa Inter Mahari Men’s Football Tournament-ko ong•atani Mongolbar salo kal•susaanio, Chisim aro Manda Maharirang chegipa ong•aha.
Skanggipa kal•susaanio, Chisim Mahari aro Napak Mahari-ni gisepo bil•subee robol tingsusaanganio, Chisim Mahari 7-1 goalrangko man•enba Napak Mahari-ni kosako chegipa ong•aha.
Chisim Mahari-oni skanggipa goal-ko chipchenggipara, Chugam Ch Sangma minute 9-mang ong•kuengo chipaha, indake, Eldrin D Sangma minute 12-o, Jaseng A Sangma minute 16-o, Chugam Ch Sangma changsatai minute 24-o chipaha, Wiseson Ch Sangma minute 38-o, Jaseng A Sangma-ba minute 40 ong•o chiptaiaha aro Chugam Ch Sangma-an minute 44 ong•o bon•kamgipa goalkoba chipaha.
Amangako man•engani gisepon Napak Mahari-oniba Mathew N Marak krengbate kal•enba, minute 55 ong•o goal 1-ko maharitangna chipe on•paaha.
Gnigipa kal•susaanio, Manda Mahari aro Raksam Mahari-ni gisepo bil•subee robol tingsusaanganio, bil•tinggrik ong•e penalty tingsusaanganiona sokaha aro penalty tingsusaanio 4-2 goal-rangko man•enba Manda Mahari chegipa ong•aha.
Indake, August 14 tariko chong•motan da•al salni bako, Te•gite Mahari aro Mri Mahari-ni gisepo salni 1:45 bajimangoni susaanggen aro 3:15 bajioni A•gitok Mahari aro Rechil Mahari susaangskagen.
Na·simang ia video-koba nina man·gen:
Na·simang iakoba poraina man·gen: Assam-ni gitcham PCCF-ni forest-ni a•ako gipin kamna jakkalna on•ani bidingo MoEFCC-oniko NGT talataniko nangnika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
