Tura, Sept 18 : Tura-ni Don Bosco Higher Secondary School (DBHSS), District Basketball Association baksa apsan nangrimenba school compound-o September jani 10 tarikoni 17 tarikona chong•motan sal 7-na ong•atangaha, jeon ge 7 dingtang dingtang school-rangni under 14 category aro above 14 category-rango bak ra•gipa dol 26-rangni apsan bak ra•aniko nikna gita man•aha.
Garo Hills-o banga bilsirangna dongangenba an•tangko on•kange dangdike on•anggipa Salesian missionary, Rev. Fr. Anthony Buccieri, SDB, sagiko gisik ra•ani bak gita aro uni bi•sarangni chu•gimik dal•roroanina gisiko on•aniko chu•sokatna aro nadobaenggipa chadamberangna cholko on•a gita miksonganio bilsiantian ia tournament-ko ong•atrongbaenga.
Mongolbar salo, iano chu•gimik chang 4 final kal•susaanirangko nikna gita man•aha. Me•asarangni under 14 category-o, Rongkhon-ni Bosco Mount School, Tura-ni DBHSS-ko jenten 32-30 goal-rangchi amataha. Indake ong•engon, me•chikrangni under 14 final kal•susaanio St. Xavier’s Higher Secondary School, 6-4 goal-rangchi Christian Girls Higher Secondary school (CGHSS)-ko amatskaaha.
Me•chikrangna ong•atgipa bilsi 14-na batgipa category-o DBHSS, 19-9 goal-rangko man•enba CGHSS-ko amataha. Iani gisepon, me•asarangni bilsi 14-na batgipa category-o DBHSS-ni Day Shift-ni 25-23 goal-rangchi Night Shift dolrangko amatskaaha.
Tura-ni bang•a educational institution-rangni principal-rang chong•motan Tura, Don Bosco Higher Secondary School-ni Principal, Fr. Threnius N Sangma, Tura Don Bosco College-ni Principal, Fr. Januarius Sangma, St. Xavier’s Secondary School-ni Principal, Sr. Maria D’Silva, Christian Girls Higher Secondary School-ni Principal, Anna Zelda Ch. Momin aro Rongkhon, Bosco Mount-ni Director, Fr. Benjamin Daimari maangba ia tournament-o bak ra•angpaan baksana chegipa dolrangna trophy-rangko suale on•angaha.
Ia tournament-ko ong•atani bon•kamgipa salo, DBHSS-ni chatro chatrirang doka dammanirangko dakan baksana chrok mesaanirangko dakenba an•sengbatataha.
Me•asa aro me•chikrangna ong•atgipa kal•susaani above 14 category-o DBHSS-ni James Tirky me•asarangoni aro me•chikrangoni Silkimchi S. Sangma best player award-ko man•angaha. Indake, under 14 category-o Bosco Mount-ni Ranggam A. Marak me•asarangoni aro St. Xavier’s Secondary School-ni Salosa A. Sangma me•chikrangoni best player award-ko man•angskaaha.
Na·simang ia video-koba nina man·gen:
Na·simang iakoba poraina man·gen: Deputy CM Prestone Tynsong, uni skoo an•chi topgipako ote gala ja•man an•sengpila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
