DIBRUGARH, Mar 30: Me·chikrangni bil ba bil man·anian ‘mongsongbatgipa bil’ aro uan kolgriksagipa ritcha chasongo India a·songo mikkangchina bilake dilangenga ine Union Minister Sarbananda Sonowal aganaha.
Sonowal, Tinsukiao Moran Jatiyo Mahila Parishad-ni 30gipa foundation day-ko maniao aganprakengon, Nari Shakti ba me·chikrangni bilko de·mittele, uan chakchikani aro watgalgijani chin ong·a ine aganaha.
“Naria Shaktian Maha Shakti — uan Indiani an·tangon chu·gimik pangchakna man·aniona aro namroro-silroroanina a·songko dilangenga. Jeon me·chikrangko mande ra·a ua a·song dal·gipa ong·a ine Swami Vivekananda changsao aganaha. Songsalni namgipa depante demechikrang ong·na gita ma·giparangni inda ong·aniko mamingchiba tona amja. Me·chikrangni bil barion a·songni bil changni chang baridapa,” ine ua aganaha.
“Ia niksamsoanirangko pangchaken Prime Minister Narendra Modini dilanichi ‘Beti Bachao, Beti Padhao’ ine sorkarini re·mikkangani gnang. Da·alo me·chikrangchi chalaigipa self-help grouprang Indiani man·e cha·aninan bang·en on·gilenga aro Indiani an·tangon chu·gimik pangchakna man·aniona dilangenga. Indian Space Research Organisation-oni a·songko chel·chakgiparangona kingking me·chikrang pilak a·baon a·songna on·gilenga.”
“Chadamberang uamangni ma·ambi ma·kringko, ambi atchuoniko man·rikrikbagipa kam bewalrangko dal·nikna nanga. Dibrugarhko chuatna re·mikkange songsalni bilko rikengon uamang Moran manderangni mingnama ma·ambioniko skie ra·na nanga. Na·simang Bir Raghab Moran-ni matgrik ong·ani gunrangko niate an·tangtangni bewal aro chanchianiko tarina nanga. Skango dakanggimin matgrikrangni bewalko ja·rike an·tangtangko tarina gita chadamberangna cholrangko bikotchina anga songsalko chalaienggipa dolrangko didina namnika. Uarangko dakna man·ode Moran songsal a·gilsako nambatgipa songsalrangoni damsa ong·gen” ine Sonowal didie aganaha.
Na·simang ia video-koba nina man·gen:
Na·simang iakoba poraina man·gen: “Ajmal eleksin ja·man jik ra·taiode niam pe·a ong·gen”:Himanta Biswa Sarma
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
