Guwahati, Jun 30: Batanggimin salrangonin Assam a·doko mikkarang jimbee waenganichi Brahmaputra chibima ditdobae, badiaba bakrangode chi bananirangko nikna man·engaha aro uandaken Assam a·dokni dam 17 revenue circle-ni ning·o donggipa dam 411 songrango hectare 4,113.27 mi a·palrangko chirang mriptokaha.
![](https://hubnetwork.in/wp-content/uploads/2024/05/app-1-1-1024x1024.jpg)
Assam State Disaster Management Authority (ASDMA)-oni u·iatani gitade, ia biaprango chi bananichi Kamrup, Karimganj, Dhemaji, Dibrugarh, Cachar, Tinsukia aro Lakhimpur a·jarango sak 33,760 bi·sarangko man·chape lak 1.34-mang ong·na sipile manderang nangchakeaniko man·tokenga.
![](https://hubnetwork.in/wp-content/uploads/2024/05/WhatsApp-Image-2024-05-20-at-08.31.41-1024x724.jpeg)
Chi bananichi nangchakeaniko man·batenggipa a·jarangara Cachar, jeon sak 67,030 manderang neng·nikanirangko chagrongna nangenga, Karimganj a·ja, jeon sak 27,235 manderang neng·nikanirangko man·na nangenga, Dhemaji-o sak 25,947, Tinsukia-o sak 9,868 aro Dibrugarh a·jao sak 3,857 manderang neng·nikanirangko man·na nangtokengaha.
Mikkarang dontonggija waengani a·sel Brahmaputra chibima dal·baroroe, chirang ditdobaenba, ramarangona sokbae ramarang champengatako man·enga ine jolo songdongenggipa manderang parakataha.
![](https://hubnetwork.in/wp-content/uploads/2024/05/WhatsApp-Image-2024-05-06-at-1.24.51-PM-767x1024.jpeg)
Koborko on·ani gitade, chi bananichi nokgri-jamgri ong·na nanggipa manderangna dingtang dingtang biaprango dam 71 relief camp-rangko kulie on·aha aro ia relief camp-rango sak 11,000-na baten manderang ma·chaktokenga.
Indake ong·engon, July jani skanggipa salgnina Assam a·dokni badiaba badiaba biaprango mikkarang jime waangkunaba gnang ine IMD-oni mikrakataniko on·angaha.
Na·simang ia video-koba nina man·gen:
Na·simang iakoba poraina man·gen: Tura-ni CCTV camera-rang bang·batan kam ka·jaenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub