Tura, April 10: A·chik State People’s Front (ASPF), South Garo Hills-ni Seelpang Government Lower Primary Skul-ko ta·rake taripiltaie on·china gita Education Minister-o didiataha. Uamangni seatgipa chittio, skulni nokking baksana kelkirang dongjae skulni obostarang namen namjabeahani gimin chatro chatrirangba poraina gita namen neng·nikbeanirangko man·enga ine janapataha.
1998 bilsio ia skul-ko rikchengaoni maming taridapa ba namdapatanirang dongkuja ine uamang u·iatangaha. Ia skul nokni obostarang, mikka wachi-rangni somoio ba ding·gekmiting somoirango namjabata, jeni a·selan chatro chatrirang salantio skul re·na aro skie ra·anirango neng·nikanirangko man·ronga.
Bang·bea mikka bitchirang baksa stilrang ga·akonanichi bosturang donchakgipa skul nokni nokking nosto ong·atako man·a jaman, skulni bosturangko naljoke rakkina gita an·tang tangkatangko jakkale nokkingna tin pinne on·gipa skigipako ASPF dol de·mitele aganangaha.
Na·simang ia video-koba nina man·gen:
Na·simang iakoba poraina man·gen: Aadhaar linked ka·ani ba nangdimatanikora ma·mong sorkarisa dakatenga, a·dok sorkari ong·ja : Ampareen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
