29.2 C
Tura
spot_img

A·dokni 32 lakh Metric Ton koelarangko dam dakkiani a·bachengengaha 

Must read

Shillong, Nov 9: A·doko koela cho·ani, koelana dam dakkiani aro koelako salangani bidingo mijal Sombar salni bako Meghalaya Assembly-o adita jikjakanirang ong·angaha.

A·doko koela cho·na apex court-ni bil on·aniko man·anio, koela cho·piltaianiko a·bachengjokma ba a·bachengkuja, koela cho·na tikka on·jokma ba on·kuja ong·ode, mija bilsi 2019 July jaoni A·dokni kajina baditana kingking gimaaha ine Jakgitelo gipa MLA Pa SK Sunn sing·doaha.

Koela cho·ani hukum ba ge·etaniko on·e a·nokgiparangna bilko on·ani gimin Mines and Minerals (Development & Regulation) Act 1957 aro Mineral Concession Rules 1960-o dongimin niamrangko ja·rike dorkastorangko on·engaha ine talatenba Skotong Minister Pa. Conrad Sangma sing·anina aganchakaha.

Sangma, uni aganchakanio batanggimin 2015 bilsiniko janapjole, iana skang sorkariko rikanggipa darangni a·kanga donggijagipa 1.34 cr metric ton koelako parakakaha jekon National Green Tribunal-ni dam tik ka·ani ja·man 95 lakh metric ton-ona tang·onataha ine talataha.

Damko tik ka·taipilchina dabion, 32 lakh MT-ko sorkari parakaha, jekon ja·mano dam dakkina gita Supreme Court-o ra·chakangaha ine Pa. Sangma house-o aganaha. Dakkianiko man·adipet gong·raken matchotatna gita da·oni sorkari jotton ka·enga indiba obostani kri adita ja·rikna nanggipa niamrang dongani gimin kamrang ja·donggaatako man·enga ineba ua u·iataha.

District dambrini koela a·dam dambongaoniko online gita dakkiani e-auctioning-koba a·bachengataha, East Jaintia Hills-oni darangni a·kanga grigipa damgni koela a·damrangoniko salangani da·omiting ong·enga aro bangki district-rangoniko salanganiba ru·utgijan ong·gen ineba Pa Sangma u·iatjolaha.

spot_img

More articles

spot_img
-->

Latest article