Shillong, May 7: Meghalaya a·dok, Air Raids ba aircraft-rangchi chadrapani somoi maiko dakna nangachim uni bidingo manderangna aro sorkarini staff-rangna skie on·a gita a·dok gimiko Civil Defence mock drill ba dake nianiko ong·atenga. Adita salrangna skang, India-ni sipai dolrangni Operation Sindoor-ni bimungo Pakistan aro Pakistan-rangni sekdragimin Jammu and Kashmir-ni biaprango donggipa bobil dolrangni ma·chakram biaprangko nisigala jaman ia mock-ko dakna nangchongmotani ong·enga.
Civil Defence and Homeguard-ni Joint Director, M K Sangma, mock drill-ko attam 4 bajioni a·bachengatgen aro Siren baksana bijoli kimitaniko attamni 6:30 bajioni ong·atgen ine janapataha. Meghalaya Energy Corporation Limited (MeECL)-ni gitade, technical-ni gita adita neng·nikanirangni a·sel, Shillong, Jowai aro Tura-osan bijoli kimitanirangko dakna gita man·aigen.
Dam 12 a·jarangoni dam 7 a·jarango siren-rangko gamatanggen. Siren-ko moruraa gnang minute 2-na gam·atanggen uni jamano minute 2-na bijolirangko kimitatgen aro bon·kame maming kenani dongjaha ine u·iataniko on·a gita minute-sana siren-ko gam·atangaigen.
Dake nianiko dakmiting somoio, Air Force-rang air-craft-rangna ken·chakna nangani donga ine dakmike, Regional Civil Defence Control Centre (RCDCC)-na radio-rang ba hotline-rang gita u·iatanirangko dakanggen. Uni jamano RCDCC, jinmana siren-rangko gam·ate mikrakataniko on·atan baksana, District Civil Defence Control Centre (DCDCC)-rang, Army-rang aro VVIP ba dal·dalgipa manderangna u·iataniko dakanggen. Indake, DCDCC-rang Shillong, Jowai aro Tura-o donggipa official-rangrangna koborrangko on·atskagen.
Fire and Emergency Service-rang, wa·al kamanirangko kimitani aro State Disaster Response Team (SDRF) aro Quick Response Team (QRTs)-rang, nanggitikan somoio dakchakaniko on·a aro buildingrango jachange donggiparangko naljokatna tarisamsoe donggen. Deputy Controllers ingipa jolni officer-rang, badia biapo aro maidakgipa a·selrangna dake nianiko ong·atgen uko seokgen.
Iani ja·manoba, dake niani 2-gipa phase-ba dongkugen ine M K Sangma u·iatangaha, jeon pilak department-rang jekai police, fire services, PWD aro sana bananiko dakgipa dolrangkoba man·chapgen. Ia skanggipa dake nianide, uan system-rangko niani, neng·nikanirangko taripilani baksana 1971 bilsio dakgrikani ong·a obostarangko gualpilengnaba dongaha inenba aircraft-rangchi chadrapani somoio maikai an·tangtangko naljoke rakkina nangachim uarangko gisik ra·atpiltaina dakchakaniko on·a miksonganio ong·a ineba ua agandapangkuaha.
Na·simang ia video-koba nina man·gen:
Na·simang iakoba poraina man·gen: Gipin a·songoni napdrabagjparang rel gari gitasan ong·aija: Rakkam
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
