Shillong, Aug 18: A·dokoni warachakgipa dolni dilgipa Dr. Mukul Sangma, Congress Legislature Party (CLP)ni tom·aniko Butbar salo skotong songjinma Shillong-o dakdilangaha.
Tom·e chanchirimani ja·man koborna talatengon, a·dokko re·dilna ba sorkariko chalaina dolgipinna wate on·skana gita nangengahaniko da·o NPP dolchi rikdilenggipa MDA sorkarina uamang seachi u·iatanggen ine Dr. Mukul parakataha.
A·doko da·o ong·enggipa niam aro ge·etani obostarangchi mongsongbate a·doko bobil dakgiparangni bidingo kamrangko jako ra·e nirokanio ian da·o gita apsan ong·piltaitaiaigen ineba warachakgipa dolni dilgipa aganaha.
Dr. Mukul Sangma-ni dingtangmancha jaksi ote aganani gita, a·doko da·o jedakgipa ong·gijagipa obostarang ong·engachim iachin da·oni sorkariko re·dilenggiparangni chu·gimik name kamko ka·na sapgijanikoba mesokenga ine parakatan baksana, Garo Hills a·jao bobil dakgiparang ka·sinsin chimongpiltaienga ingipa knasringaniko warachakgipa dolni u·iatanganikoba a·dok sorkari ma·sina ja·manchaka ineba warachakgipa dolni dilgipa matnange agandapataha.
