Tura, June 27: Ma·manti bostuni damrang ia somoirango a·doko tang·doenganichi dingtang dingtang gadango janggi tangenggipa manderangni chagrongenggipa neng·nikanirangko nirokatchina, Meghalaya assembly-ni warachakgipa dolni Chief Whip aro Gambegre-ni MLA Pa Saleng Sangma, Mongolbar salo a·dok sorkariko mol·molangaha.
Bosturangni damrang dorikrikengani a·sel mipring-miattamna am·e cha·paenggipa nokdangrangni chagrongenggipa neng·nikanirangna aro alamila dongkalgipa nokdangrangba para gamna nanga baksana nokdangko alduna nanganichi bang·a neng·nikanirangko chagrongengani gimin suk ong·chakjae, Pa Saleng, manderangni neng·nikanirangko niatchina gita a·dok sorkario mol·molaniko dakataha.
Salantio nanggipa bostuni damrang ia somoirango tang·doenganiko kangal-cholgrirangsan apoti ka·aija, indiba donggipa ba man·e cha·gipa nokdangrang mangba apsandaken neng·nikaniko chagrongenga ine aganangkuenba, baditaba antirang skangsan matchu be·enni dam kg-o gong 400 ka·e ong·gipan, da·alo gong 800 ong·nakpile dam bariahaniko niatode obostarang namen namjabatroroangenganiko nikna man·a ine Pa Sangma agandapataha.
Iakoba poraie nina man·gen: M’laya District Courts Ministerial Service 2020-ko Cabinet taridapa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
