Shillong, Oct 20: Da·ororo mongsonggipa nangchongmotgipa bosturangni damrang antidamrango ong·rongbewalna bate tandg·dororoengani a·sel a·doko songdongenggipa manderangna nengnikanirangko ong·atenga.
Cha·rongbewal mesu-samjak rangoni jekai alu ong·a, uni dam kg prako gong 50 oni 60 ona aro rasin-ni dam kg. prako gong 60 oni gong 70 ona sokdopile palenganirangko a·dokni antirango nikengon kangal cholgrigipa ramram manderang nengnikaniko chagrongbatenga ineba nikna man·a.
Iandake dingtang dingtang bosturangni damrang salantio tang·dorikrikengani gimin suk ong·nikgijani kattarangko janapengon Congress-ni a·gipi dilgipa aro MLA Pa H. M Shangpliang sason ka·enggipa sorkariko nirokatchina molmolataha. Tangsekgipa me·su-samjakrang mangmangba salsa batbat a·doko namen tang·doenganirangko nikengon Shillongni Polo-o donggipa A·chik anti-dam jekon manderang Garo bazar ine u·ibata, salantio A·chik a·songoniko biterang aro dingtang dingtang rokomni mesu samjakrangko palrongenggipa antiomangba namen dam rakbeengaha ine nikna man·aha.
Ian da·ororo a·songo manderangni nengnikanirangko chagrongengmiting somoio dingtang dingtang bostu aro me·su samjakrangi damrang namen dangdoanira a·doko songdongenggipa manderangni gisikko sa·dikatan baksa ka·donga gri ong·atbatenga ine nikna man·aha.
(Translated by Tasal G. Momin)
