Shillong, May 6: Indiani pilak biaprangon ong·nasipile rel garirang dongmanahaoba Meghalaya a·doko Mendipatharna agre rel gari kapramrang dongkujaenga. Ian a·dokna nangchongmotgipa aro chanchina nangenggipa rangoni mingsa ong·a. Iarangni bidingo sorkari nipile chanchigriken aro songdongenggipa manderangni nangnika aro nangnikgijani aro uamang baksa name dake golpogrikchenge kam ka·ani ong·gen ine Deputy Chief minister In-charge home (Police) Pa Prestone Tynsong aganaha.
“Ma·mongonide da·aloba an·chingna rel gariko ra·napna senge dongenga. Ian uamangni namgnina ong·ja, an·chingni namgnina, namroro-silroroaninasa uamang iako an·chingna on·atenga” kobor ra·timgiparangna Tynsong aganaha.
Iani bidingo chanchirimna pilak political partyrangni nangrimgimin committeeko songaha aro pilakan tom·ao dongpae ku·rang on·pachina ua uiataha. Rel gario ra·bao nangchakegipa manderang aro gipin songdongpagiparangkoba tom·ao donge jakgitele aganchina skotong minister okamatana sienga.
“Inner Line Permitni bidingode anga namen chakpaaniko on·a nangnika, ian nangchongmotgipaba ong·a. Iako a·dok sorkari kam ka·engaha. Da·o an·chingni nangchengenggipade rel gari ra·bao nangchakegipa manderang baksasa golpoani ong·enga” Pa Tynsong agankuaha.
Na·simang ia video-koba nina man·gen:
Na·simang iakoba poraina man·gen: Catchment Rejuvenation project-ko Marcuise a·bachengate on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
