Shillong, June 12: A·palchiniko ra·napbaenggipa na·tokrangoniko soatgijani samko nangana batpile jakkalenganiko rim·a man·angani bidingo, Food safety-ni Commissioner Pa RM Kurbah, na·tokrangko porikka ka·atani lab report-rangko department da·omitingde ra·chimongengkua aro iani ja·man chu·gimikko talatanirang baksa ia antini gisepon a·dok sorkarini jako on·anggen ine Sombar salo u·iatangaha.

A·dokona ra·napbaenggipa na·tokrangko sal 15-rangna champengangkuengani gimin, department-ni gita ra·napbaenggipa gimik na·tokrangkon porikka ka·e niangkugen aro uarangko cha·soenggipa mandeni ben·na maming namgijani dongjaha ine nikosa bajar-antirango palna-sim·na gita on·piltaigen ineba talataniko on·angaha.

“Bang·bata rohu na·tokrangkon Andhra Pradesh a·dokchinikosa ra·napbaengani gimin, a·dokona sokbagipa rohu na·tok gimikkon chinga porikka ka·e nianirangko dakatenga ine Pa Kurbah aganangaha.