Shillong, Apr 10: Salgro salaram a·dokrangko man·chape India a·songni pilak biaprangon bilsi 18 batgimin manderangba, Covid-19-oni naljoke dongna gita tangka paisarangko game, ‘booster dose’-ko ra·na man·gnok.
Bilsi 18 batgimin manderang, jemangan COVID-ni gnigipa tikako su·aoni jasku gapahachim, uandakgipa manderang, ia booster dose-ko ra·na man·gnok aro ia booster dose-ko pilak private vaccination centre-rango ra·na man·gen.
Indake ong·engon, bilsi sokgimin manderangna COVID-ni skanggipa aro gnigipa tikarangko su·angkugen aro booster dose-koba sanna banani kamrangko ka·enggiparang baksana mikkango donge sabisiko warachakenggiparangna aro bilsi 60 batgimin manderangna pilak centre-rangon on·angkugen ine Sonibar salo, ma·mong sorkarioni u·iataha.
