Shillong, Dec 2: Meghalaya a•doko dingtang dingtang namroro silroroatani kamrango invest ka•ani ba tangka paisa koros ka•aniko bariatna gita sorkarini a•a para on•aniko bilsi 60-ona bariatna proposal on•aniko Sombar salo, a•dokni Cabinet ra•chakangaha.

Cabinet tom•a matchotani ja•man kobor ra•timgipa manderangna talate on•angengon, sorkarini a•arango dingtang dingtang namroro silroroatani kamrangko ka•na cholko on•na gita para on•ani somoiko ra•dodapna Cabinet ra•chakangaha ine a•dokni Tourism Minister aro sorkarina ku•wattimgipa Paul Lyngdoh parakataha.

Da•o dipet Meghalaya a•doko sorkarini a•arangko bilsi 30-onasan para on•engachim ine nikna man•a.

Indake ong•engon, dingtang dingtang namroro silroroatani kamrangko ka•na bang•en proposal-rangko on•tokenga ine nikengani gimin sorkari a•arangko para on•anio somoiko bakrodapatna sorkari nangnikaha ine Lyngdoh aganaha.

Lyngdoh-ni aganani gitade, ia lease period ba para on•ani somoiko bilsi 30-oni bilsi 60-ona bariatna gita Revenue & Disaster Management department, dingtangmancha proposal-ko Cabinet-ona ra•baaha aro ia proposal-ko Cabinet, Sombar salo ra•chakangaha.

Para on•na gita dongimin bilsi 60 bon•ahaon ja•mano uko bilsi 30-ona ra•dodaptaina man•gen ineba Tourism Minister talataniko on•angaha.

Na·simang ia video-koba nina man·gen: 

Na·simang iakoba poraina man·gen: Agartala-ni ILS hospital-o B’desh-oni manderangna sanna bannaniko on•a jechaka

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub