Shillong, July 1: A•ba o•e cha•anichi ong•telaigipa sambol aro samtangtango donggipa gamrangna kenbegni ong•engon, ia skang chasonggitchamni ja•rikbaenggipa a•ba o•e cha•ani bewalko gipin game ge•e cha•ani cholrangko jakkalskana nanggenchimode, salgro salaram jolrango ge•e game cha•enggipa manderangna bang•en nangchakeani ong•skagen.
A•ba o•e cha•aniko dakengon, adita buringni bakrangko aro sambolrangko o•enba uarangko so•prakani ja•mano ge•a gamaniko daka aro uarangoniko mi misi me•su samjak-rangko akman tetmanani ja•mano, a•ba o•taie cha•taina man•a gita buring ong•piltaichina aro a•ao a•sal ong•taipilna adita bilsirangna donangtaia.
Iandake ge•e game cha•anichi a•arango a•sal ong•atpilna dakchaka, indake ong•genchimoba, adita kenchakanirangba dongtaiskaa, jekai, bol wa•a gimaani, a•a ruani aro buringni gamrangko gimaataniba ong•skaa ine expert-rang agana.
Ia a•ba o•e cha•aniko, salgro salaram jolrango donggipa tribal manderang dakbata, maina iako dakanichi ba ge•a gamanichi uamangni janggi tanganina dakchakani ong•a.
Ia bewalo ge•e game cha•ania, uamangna cha•ani aro janggi tangani cholko on•asan ong•aigija, uamangni jatni dakbewal aro a•arangko a•kange donani bewalban ong•achim.
Indake ong•genchimoba, ia chasongo manderang jelbra jelsuroroengon aro badingchiwalanio tang•dororoani a•selo, iandake bewalo ba ru•uta somoirangna done a•ba o•aniko dakna man•jaengha ine nikna man•a jean, ong•telaigipa gamrangna kenbegni ong•skaengachim.
Iani gisepon, a•ba o•e cha•ani palo gipin bewalrangko jekai, aquaculture aro agro-forestry-rangko ra•gatchape a•ba o•e ch•aniko dakode, tribal songsalo janggi tangenggipa manderangni cha•a sianiko komiatna, cha•anirangko bariatna aro nambata an•sengbaljokgipa janggi tanganiko on•a dakchakgenchim ineba expert-rang aganaha.
A•ba o•e cha•ani gimin janapengon, ian brine chanchirimaniko dakna nanggipa ong•a jekon altuae tik ka•na man•gipaba ong•ja, uni gimin, kraa bewalo dingtang dingtang skia man•gipa dolrang baksa name chanchirimna gita nanggipa ong•a ineba expert-rang janapaha.
Na·simang ia video-koba nina man·gen:
Na·simang iakoba poraina man·gen: Niamgri sorkarini a•o donggiparangko a•rikgalanio jinma drae til•ekanio matnanga man•gipani nokkoba man•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
