Tura, Feb 4: A·chik Baptist Dal·gipa Krima (ABDK)-ni chang 150-gipa tom·bimonganiko re·anggipa January 31 tarikoni February 4 tarikona, West Garo Hills a·jani Balupara songo donggipa Bethel A·brio ong·atangaha aro ia ABDK-ni chang 150-gipa tom·bimonganio dingtangmancha ABDK-ni bilsi 150 gapani (Sesquicentennial Jubilee)-koba February-ni 3 aro 4 tariko maniangjolaha.
Ia tom·bimonganio Baptist World Alliance (BWA)-ni president Tomas Mackey-ba bakko ra·angaha aro ABDK-na an·tangni namgipa skaniko on·angengon, mikkang bilsio Australia a·songni Brisbane songjinmao ong·atna sienggipa BWA-ni tom·bimonganiona re·ange bakko ra·echina gita ABDK-ni membor sakantikon mol·molangaha.
A·chikrangni sokachakani aro ka·saaninaba Mackey, mittelpilaniko parakangaha.
Robibar salni olakkianio, Indian Evangelical Mission (IEM)-ni general secretary Rev Dr Raja Singh Elias, Isolni namgipa kattarangko aganprakangengon, Jisu Kristoni ka·saani aro kema ka·aniko daksningchina gita Krisian bebera·gipa sakantikon didiangaha.
Robibar salni tom·bimonganio, Meghalaya a·dokni Chief Minister Conrad K Sangma, Meghalaya Legislative Assembly-ni Speaker Thomas A Sangma, Education Minister Rakkam A Sangma aro dingtang dingtang dilgiparangba dongpae bak ra·angtokaha.
Ia tom·anio a·dokni Chief Minister, jinmana aganprakangengon, A·chik a·songo ABDK aro Baptist Missionary-rangni on·gilanggipa kamrangni gimin gisik ra·atpilaniko on·angenba, ia kamrangna ABDK-ko aro Baptist Missionary-rangko mittelpilangaha.
Ia tom·bimonganio ABDK-ni padot Sundarsingh A Sangma-ba aganprakangengon, ABDK-ni general secretary Rev Janang R Sangma, ia bilsini May jaon kamoni neng·take, Isolni gipin kamrangko ka·angskana siengahani gimin uni biapo Rev Dilseng M Sangma-ko ABDK-ni gital general secretary songskaengaha ine parakataha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
-ni chang 150-gipa tom·bimonganiko re·anggipa January 31 tarikoni February 4 tarikona, West Garo Hills a·jani Balupara songo donggipa Bethel A·brio ong·atangaha aro ia ABDK-ni chang 150-gipa tom·bimonganio dingtangmancha ABDK-ni bilsi 150 gapani (Sesquicentennial Jubilee)-koba February-ni 3 aro 4 tariko maniangjolaha.){kind=link}