Tura, Jan 24: A•chik Conscious Holistically Integrated Krima (ACHIK) dolrang, Purakhasia Public Health Center (PHC)-ni obostako nikenba suk ong•gijaniko parakatan baksana iani bidingo ta•rake ja•ku de•aniko dakchina gita authority-rangko didiataha.
ACHIK dolrangni, West Garo Hills-ni District Medical and Health Officer-na seatgipa chitti-o PHC-ni neng•nikanirang jekai gitcham tariagri dongenggipa building-rang, staff quarter-rang, aro boundary wall ba pakmarang donggijaniko janapataha.
PHC-ona dakanggipa ramaoni, nokking sela aro sagiparangko dongipa kutturirango chirang ong•katanichi mandeni an•seng baljokani, naljokani aro dongtoanina namen namgijani ong•a, ineba ACHIK dolrang janapatan baksana, bilsi 10-na batpile tarichipgija donani a•sel ia building-rang da•o namjabatenba ta•rake tarianiko nangengaha ineba agandapangkuaha.
Purakhasia-ni PHC-ko medical officer saksa mangmang nirokenga, jean OPD, emergency aro administrative-ni kamrangko saksan nirokenga, ine aganenba PHC-o doctor aro nurse-rangni chu•onggijanikoba ACHIK dolrang seatgipa chittio janapataha, maina ia PHC-o sanna bannaniko ra•nagiparang dam 82 songrangni sak 28,818 manderang gnang. Iani a•selan sae re•bagiparang sanna bannaniko ra•na gita ru•ute sengna nangan baksana mandeni janggina kengniko ra•baa.
Sagipa manderang nanggipa samrangkon ia PHC-oniko man•jaenba, private pharmacy-rangoniko dam rake brena gita nangenba nokdangni manderang sinjetako man•ronga inenba ACHIK dol u•iatan baksana, Public Health Engineering (PHE) Department-oniko namgipa ringani chirangkoba PHC-o man•ja ineba janapangkuaha.
Na·simang ia video-koba nina man·gen:
Na·simang iakoba poraina man·gen: A•gilsako dal•batsranggipa dam-ko China-o rikna miksongengani gimin Arunachal CM mikrakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
