Shillong, Oct 16: Cha•ani tarianio gisik nanggipa aro cha•ani gimin u•i ma•sigiparangna MasterChef India 2023 Season 8-ko ong•ataiengaha. Ia bilsi, India a•songni salgro salaram jolo dongenggipa manderangna mongsongbate Meghalaya a•dokni manderangna gamchatbegipa ong•a maina Shillong a•brijolni demechik saksa, MasterChef India 2023-o susaanio bakko ra•enga.
Shillong-oni Nambie Jessica Marak jean ‘Eat Your Kappa’ YouTube channel-ko chalaienggipa ong•a aro India a•songni Salgro salaram jolo cha•rong bewalenggipa rokkomanti cha•anirangko mesokaniko dakengachim, ua Meghalaya a•dokni su•ugipa cha•ani ringanirangko ia show-ona ra•bagen ine nikna gita man•a.
Ua saksa, rokkomanti cha•anirangko tarianio namen gisik nanggipa ong•achim aro India a•songni Salgro salaram jolgimikchi re•roroenba dingtang dingtang sam ba bijakrangko jekai A•chik wak kappa, Baring Na•kam, aro uandake dingtang dingtang A•chik bijakrangko songe mesokronggipa ong•achim.
Ia MasterChef India Season 8-ko, SonyLiv channel-oba October 16 tarikoni attamni 8 bajio, live mesokaniko nisona man•gen.
Iakoba poraie nina man·gen: Police Bazar-o wa•al kamgipa biapko CM niea
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
