Shillong, September 24: Shillong songjinmao songdongenggipa A·chik rangni gisepo meli-nangrimgrikaniko bilakdapatna aro nangan somoio dakchakgrikna miksonge 2003 bilsini May 3 tariko su·songgipa “A·chik Citizens Welfare Organisation” miksongatangoni re·ekgija ong·bachengaonin jat na dingtang dingtang bewalrango dakchakanirangko on·baenga. Bitchil satchenggipa rangoni mitamrang a·gilsakko wate re·angahani bidingo aro mitamrangara Shillong songjinmao dongjahani bidingo indakgiparangona su·songrikna aro ja·chongrikna miksonge re·anggipa 23 September, 2023 Sonibar salo Shillongni Garo Union Secondary Skulo tom·aniko ong·ate gitalgipa dilgiparangko 2023-2026 ona seoke jinma namnike ra·chakangaha ine Publicity Secretary Pa. David K. Marak, Hub News na seachi uiataha.
Seokgital dilgiparangara Padot: Pa. George R. Marak, Dakchakgipa Padot: Pa. Rondon K. Momin, Jakrikra: Pa. Jenthuram B. Marak, Dakchakgipa Jakrikra: Pa. Anthony R. Marak, Organising Secretary: Pa. Kimiush R. Marak, Dakchakgipa Organising Secretary: Pa. Westfield D. Shira aro Pa. Precious R. Marak, Publicity Secretary: Pa. David K. Marak, Dakchakgipa Publicity Secretary: Pa. Louvre Venus R. Marak, Accountant: Pa. Mihirsent D. Marak,Treasurer: Pa. Damas K. Sangma aro sak 6 Executive Member-rangko seokangaha: Pa. Sunolsing M. Sangma, Pa. Albo Rimsu, Pa. Kenny S. Sangma, Pa. Monindra G. Momin, Pa. Raksil T. Sangma aro Pa. Allwinstar D. Shira. Kam ka·anirangko niroke agan-ku·pattina Pa. Coffpelsil R. Marak, Pa. Trumen M. Sangma aro Pa. Herrick N. Arengh ko seokangskaaha.
Follow NE Hub News with just a Click on Whatsapp; Direct Link here
Tom·anio, a·dokni Skotong Minister Pa. Conrad K. Sangma ni ka·sabee Chief Minister’s Special Development Fund ni gita Ambulance on·atgipako Garo Baptist Church Shillong ni Asstt. Pamong Te. Dillip Ch. Sangma ni jakchi Nokgipana pakwate jinmani namgnina jakkalna gitaba oprakangjolaha.
Iakoba poraie nina man·gen: Nanggipa bostuni damrang tang·doenganiko Nongkrem-ni MLA Pa Ardent, Assembly-o naata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
